Shqiptarët janë vendosur në qendër të polemikave të vazhdueshme politike të ditëve të fundit, rreth refugjatëve që hyjnë ilegalisht në Britaninë e Madhe. Ministrja e Brendshme, Suella Braverman, ka deklaruar së fundmi, se me politikat e saj të reja do t’i japë fund “pushtimit” të emigrantëve që mbërrijnë në brigjet britanike, duke shkaktuar reagime të forta për “gjuhën e saj të ashpër”. Dhe tani refugjatët shqiptarë janë në qendër të debatit.
Mirëpo, pas komenteve të ashpra të kryeministrit Edi Rama ndaj saj, një tjetër e papritur i ka ndodhur ministres.
Braverman ka vizituar qendrën e përpunimit të emigrantëve në Manston, Kent. E ndodhur në një presion pas deklaratave për emigrantët, kryesisht për shqiptarët që i ka konsideruar kriminelë, Sekretarja e Brendshme e ka zhvilluar këtë vizitë nën masa të rrepta sigurie. Ajo është parë teksa zbriste nga avioni me një helmetë pilotësh të stilit ‘top gun’ dhe hipi në një ‘BMË’ të zezë që ndiqej nga gjashtë mjete të tjera.
Në momentin që ajo u afrua në derën e madhe të kampit, emigrantët shpërthyen në ulërima, fishkëllima dhe bërtitje, Vizita e Braverman vjen pas raportimeve se në këto kampe kanë shpërthyer sëmundje të ndryshme për shkak të kushteve të mjerueshme në të cilat jetojnë emigrantët.
Në këtë kamp jetojnë 3,500 njerëz, pavarësisht se ka një kapacitet maksimal për vetëm 1,600 prej tyre.
