Jorida Tabaku, deputete e Partisë Demokratike dhe kryetare e Komisionit të Posaçëm që u ngrit për inceneratorët, është thirrur të paraqitet paraditen e kësaj të premteje në Prokurorinë Speciale.
Ajo do të pyetet nga prokurorët e SPAK për aferën e inceneratorëve, duke u bërë kështu politikania e disatë që thirret për të dëshmuar. Ajo do të dëshmojë në cilësinë e personit kallëzues për këtë aferë të bujshme që po hetohet nga drejtësia shqiptare.
Tabaku ka shkuar në ambientet e SPAK rreth orës 10.00, dhe në përfundim është njoftuar se do të japë një deklaratë për mediat.
Më herët, në SPAK ka qenë dhe ish-kryetarja e LSI Monika Kryemadhi. Ajo është thirrur gjithashtu në cilësinë e kallëzueses dhe ka pohuar se ka dorëzuar prova të reja. Po ashtu, në prokurorët e posaçëm kanë pyetur dhe Gazment Bardhin, edhe ky si person që ka bërë kallëzim për inceneratorët.
