Dy minatorë që kaluan nëntë ditë të bllokuar në një minierë zinku të shembur të Koresë së Jugut dhe mbijetuan vetëm duke konsumuar pluhur kafeje.
Minatorët, të moshës 62 dhe 56 vjeç, kanë qëndruar 9 ditë në minierë dhe sipas mediave të huaja janë ngrohur me zjarr dhe kanë fjetur brenda një tende plastike.
Dy minatorët u bllokuan gati 200 metra nën tokë pasi një pjesë e minierës së zinkut ku po punonin u shemb më 26 tetor në Bonghwa, në lindje të vendit.
Ata më në fund u shpëtuan natën e 4 nëntorit – më shumë se nëntë ditë pasi filloi sprova e tyre. Të dy mundën të dilnin nga miniera dhe u dërguan në një spital.
Autoritetet thanë se minatorët mbijetuan duke pirë ujë që binte nga tavani dhe duke përdorur pluhur kafeje si vakt.
