Të shtëna me armë zjarri në ajër janë raportuar në zonën e Kamzës. Ngjarja ka ndodhur në orët e mbrëmjes së sotme (6 nëntor), ndërsa mësohet nuk raportohet për persona të lënduar.
Sipas informacioneve paraprake mësohet se një person me skafandë i cili ishte duke udhëtuar me motor ka qëlluar disa herë në ajër dhe më pas është larguar.
Fatmirësisht si pasojë e të shtënave nuk ka të lënduar, ndërkohë forcat e policisë janë vënë në ndjekje të autorit për lokalizimin dhe kapjen e tij.
Njoftimi i plotë i Policisë:
Kamzë/Informacion paraprak
Në Kamzë, Tiranë, një shtetas ende i paidentifikuar, duke lëvizur me një motomjet, ka qëlluar me armë zjarri. Nga të shtënat me armë zjarri nuk ka persona të dëmtuar. Shërbimet e Policisë janë vënë në ndjekje të autorit të dyshuar.
Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.
