Ju ka ndodhur ndonjëherë të hani drekë, por vetëm kur mbaroni të kuptoni se keni harruar portofolin, ose se nuk keni para mjaftueshëm? Epo njerëz jemi, edhe ndodh…
Megjithatë, të jesh figurë e njohur, në sytë e kamerave gjithë kohën, e shumëfishon sikletin. Një situatë e tillë i ka ndodhur ish-kryeministres britanike, Liz Truss.
Incidenti ndodhi kur ajo po drekonte me një mikeshë në një restorant në Londër javën e kaluar, ndërsa u pa nga të gjithë klientët e restorantit pranë saj.
Sipas informacioneve të Daily Mail, kur Truss dhe shoqja e saj përfunduan drekën e tyre, ish-kryeministrja u ofrua të paguante faturën, por karta e saj e debitit u refuzua.
E turpëruar, por edhe e irrituar dukshëm, Liz Truss u përpoq ta të kalonte përsëri kartën, por ajo u refuzua përsëri. Klientët e ulur në tavolinat ngjitur, panë përpjekjet e dështuara të ish-kryeministres për të paguar faturën, si dhe ndërhyrjen e shoqes së saj më pas, për të paguar.
Të pranishmit e vunë re sikletin e saj teksa nuk munguan as batutat se i ishte shkurtuar paga e kryeministres. Sipas raportit të gazetës britanike, në kartë ajo kishte më pak se 20 paund.
