Zhdukja e të shumëkërkuarit të Policisë, mbetet e rrethuar me mister. Me kalimin e javëve dhe muajve, shpresat për zbulimin e fatit të tij, i ashtuquajturi ‘mbreti i lojërave të fatit’, sa vijnë dhe zbehen.
Përpos modeleve dhe luanëve, Martinaj ishte i fiksuar pas personazhit të botës së krimit dhe drogës, Tony Montana, luajtur me mjeshtëri nga aktori Al Pacino në një nga filmat më të famshëm gjatë 40 viteve të fundit.
Siç shkruan Prapaskena, muret e ambienteve që frekuentoheshin nga Martinaj ishin të mbushura me fotot e Tony Montanës dhe momente të fiksuara nga filmi.
Disa nga miqtë e tij të ngushtë thonë se Martinaj, i frymëzuar deri në fiksim, është përpjekur të imitojë jetën që bënte Tony Montana në film.
