Makina luksoze sportive e dy rusëve dhe ukrainasit të arrestuar në Shqipëri për spiunazh, në muajin gusht të këtij viti, është parkuar këtë të mërkurë në ambientet e Prokurorisë Speciale SPAK.
Ajo ishte sekuestruar me vendim të Gjykatës dhe ky urdhër është revokuar sot, duke bërë që mjeti t’i dorëzohet avokatit Saimir Vishaj, palë mbrojtëse e një prej të arrestuarve. Siç shihet dhe nga fotot, mjeti luksoz i është dorëzuar avokat Saimir Vishajt.
Dy shtetas rusë, 33-vjeçarja Svetlana Timofoeva dhe 23vjeçari Mikhail Zorin, dhe ukrainasi Fiodor Mihailoviç, sulmuan me spray neuro-paralizues dy ushtarët shqiptarë që ndodheshin në vendroje.
Me urdhër të Drejtorisë së AntiTerrorit këta tre shtetas të huaj janë arrestuar pasi dyshohet se mund të jenë pjesë e një celule spiunazhi, shkruan neësbomb.al. Madje, edhe sendet e tyre personale janë duke u kontrolluar.
