Ambasada e SHBA në Tiranë i bën thirrje shtetasve të saj të shmangin protestën e opozitës e parashikuar të mbahet të shtunën, në 12 nëntor në orën 16:00.
Përmes një njoftimi drejtuar shtetasve amerikanë, Ambasada e SHBA thotë se protesta para Kryeministrisë mund të shkaktojë bllokime të trafikut në disa akse.
“Qytetarët amerikanë këshillohen të shmangin tubimet e mëdha. Ndërsa shumë evente të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, thuhet në njoftimin e Ambasadës së SHBA.
Ky nuk është një njoftim i pazakontë, pasi është një praktikë që ambasadat amerikane në mbarë botën e ndjekin sa herë që në shtete të ndryshme ka zhvillime të ngjashme.
