Jemi zyrtarisht në fundjavën e fundit futbollistike në nivel klubesh përpara nisjes së Kupës së Botës në Katar.
Ndjekim disa nga titujt kryesorë të mediave sportive:
“Ne do të luftojmë” është titulli i madrilenes AS. Enrique publikon listen e lojtarëve që do të përfaqësojnë Spanjën në Kupën e Botës.
Edhe Mundo Deportivo fokusohet tek i njëjti titull: “Lista, gati për Kupën e Botës”. Luis Enrique vë baste për Ansu Fatin se do të jetë ylli i Botërorit.
“Duam të vendosim yllin e dytë” ka shkruar prestigjiozja Marca, e cila hapet me fjalët e mesfushorit katalanas, Pedri, i cili shfaqet optimist dhe kërkon të fitojë Kupën e Botës me Spanjën.
Sport hapet gjithashtu pothuajse me të njëjtin titull: “Të zgjedhur për lavdi”. Luis Enrique zbulon listën e 26 të ftuarve për Kupën e Botës Katar 2022.
“Maradonapoli” titullohet Corriere dello Sport , me Napoletanët që do të kërkojnë të vendosin record duke marrë fitoren e 11-të radhazi ndaj Udineses. Stadiumi “Diego Armando Maradona” do të jetë i mbushur plot për sfidën e fundit të vitit 2022.
Tuttosport hapet me titullin:“Juve është sërish e frikshme”. Bardhezinjtë janë ngjitur ndjeshëm në renditje dhe këtë fundjavë do të kërkojnë fitoren e radhës ndaj Lazios.
