Interi dhe Juventusi vendosen në garë për të fituar shërbimet e Ngolo Kante në muajin janar!
Sipas asaj që raporton e përditshmja italiane “La Repubblica”, kampioni i Botës me Francën në vitin 2018, do t’i skadojë kontrata në fundin e sezonit, por Chelsea nuk dëshiron ta humbasë me parametra zero dhe klubi londinez është i gatshëm të ulet në tavolinë për një shifër jo më të ulët se 20 milionë euro.
31-vjeçari dëshiron të nisë një aventurë të re larg Premier League dhe opsioni i Serie A me dy gjigantët italianë do të ishte perfekte për mesfushorin francez.
Aktualisht gjatë këtij sezoni, Ngolo Kante është aktivizuar shumë pak për shkak dëmtimi, teksa ka luajtur vetëm dy ndeshje në Premier League, duke mos shënuar dhe asistuar.
