Autori i sulmit të gazetarit investigativ të Report Tv, Adriatik Doçi ka rënë në pranga. Report Tv ka mësuar së është arrestuar Redon Skutera. Teksa autori është vënë në pranga, Policia po vijon hetimet se kush fshihet pas këtij sulmi.
Autori i dyshuar është vënë në pranga 6 ditë pasi personi i maskuar e goditi pranë shtëpisë dhe u largua. Për dhunën ndaj gazetarit Doçi ka pasur një sërë reagimesh nga kolegët, ndërsa vetëm një ditë më parë deputeti socialist Erion Braçe i bëri thirrje Policisë së Shtetit të zbardhë ngjarjen.
Gazetari investigativ i Report Tv dhe Shqiptarja.com, Adriatik Doçi është sulmuar mesditën e së dielës (13 nëntor) shumë pranë banesë së tij dhe fatmirësisht është në gjendje të mirë shëndetësore. Dy ditë më parë, gazetari Doçi takoi edhe ambasadoren e SHBA-së, Yuri Kim e cila i shprehu mbështetjen.
