Franca ka shënuar një fitore me peshë ndaj Australisë me rezultat 4-1 në kuadër të xhiros së parë në grupin D për Kupën e Botës.
Kampionët aktual të botës, nuk e nisën ndeshjen mirë, pasi që pësuan që në start.
Zhvillohej minuta e nëntë, kur Craig Goodwin gjeti një hapësirë në mbrojtjen franceze duke pasuar te Mathew Leckie, i cili shënoi për 1-0 në portën e Hugo Loris.
Por nuk shkoi shumë dhe shifrat u barazuan në minutën e 27-të, kur Theo Hernandez harkoi bukur në zonë për të gjetur Adrien Rabiot që shënoi për 1-1.
Në minutën e 32-të, Franca mori epërsinë, ku Rabiot fitoi një top afër zonës dhe asistoi te Olivier Giroud i cili me portën bosh shënoi për 2-1.
Në kohën shtesë të dy skuadra kishin raste të shkëlqyera, kur fillimisht Kylian Mbappe humbi një rast të pastër me portën bosh për Francën, ndërsa pas një minute Jackson Irvine i Australisë goditi shtyllën.
Mbappe sërish humbi rast të mirë në minutën e 61-të, ndërsa pas tij Antoine Griezmann ishte pa fat pasi gjuajtja e tij u largua nga vija e portës.
Por në minutën e 68-të, Osumane Dembele harkoi bukur në zonë dhe topi u godit bukur me kokë nga Mbappe që shënoi për 3-1.
Pas tre minutash erdhi edhe goli i katërt për ‘Gjelat’, ku Mbappe kësaj radhe në autorin e asistuesit gjeti Giroud që shënoi për 4-1.
Në fundin e ndeshjes, Ibrahima Konate dhe Theo Hernandez kishin raste për të shënuar, por portieri australian Mathew Ryan ishte hero.
Franca merr tri pikët e para dhe kreun e grupit, ndërsa me nga një pikë janë Danimarka dhe Tunizia.
https://youtu.be/GtjoONiiHYs
