Gledis Nano është një nga 40 fituesit e degës së Masterit Ekzekutiv në Kriminologji, pranë Fakultetit të Drejtësisë. Kështu, pas largimit nga drejtimi i Policisë së Shtetit, Nano i është rikthyer studimeve.
Nano është diplomuar në Akademinë e Policisë “Arben Zylyftari” në vitet 1999- 2002, ku pas diplomimit ka marrë titullin “Specialist i Lartë Policie”. Në vitet 2006- 2009 është diplomuar me titullin “Jurist”, ndërsa në vitet 2009-2011 ka kryer studime pasuniversitare në fushën juridike pranë Universitetit “Luigj Gurakuqi”, Shkodër.
Gledis Nano, u shkarkua pak muaj më parë nga detyra me motivacionin se nuk kishte arritur objektivat, sidomos për shkak të disa ngjarjeve kriminale të kohëve të fundit.
