Zbulohet shifra marramendëse, ja sa ka shpenzuar Moska për luftën në Ukrainë

113 563 lexime

124,178FansaPëlqeje

Rusia ka shpenzuar 82 miliardë dollarë, e barabartë me një të katërtën e buxhetit të saj vjetor, për luftën në Ukrainë që nga fillimi i pushtimit më 24 shkurt, sipas vlerësimit të Forbes.

Kostot e luftës në Ukrainë vazhdojnë të rriten ndërsa burimet e saj janë drejt fundit, duke përmendur marrëveshjen me Iranin për furnizimin e armëve dhe një marrëveshje të mundshme me Korenë e Veriut.

Vitin e ardhshëm, “fatura e luftës” mund të rritet edhë më shumë, sipas ekspertëve të Forbes. Në vjeshtë, kostoja e shpenzimeve të luftës për Federatën Ruse u dyfishua. Tani Rusia ka nevojë për të paktën 10 miliardë dollarë në muaj.

Ushtarët me kontratë u është premtuar se do të marrin 200,000 rubla në muaj për luftën në Ukrainë, plus pagesa shtesë. Mesatarisht, rreth 200 dollarë në ditë shpenzohen për një ushtar. Në tetor, Rusia rriti në mënyrë dramatike numrin e trupave të saj.

300,000 rusë janë mobilizuar dhe pritet t’i kushtojnë buxhetit të Federatës Ruse 1.8 miliardë dollarë shtesë në muaj. Kostot totale për pagat e personelit ushtarak është në rreth 2.7 miliardë dollarë pas mobilizimit.

Gjithashtu, në dy muajt e fundit, numri i viktimave në mesin e ushtararëve rusë është rritur ndjeshëm. Nëse në verë shuma e dëmshpërblimit që duhej paguar për të viktimat dhe të plagosurit vlerësohej në rreth 1 miliard dollarë në muaj, në muajin e fundit të luftës ajo i kaloi 3.5 miliardë dollarët.

Sipas Shtabit të Përgjithshëm të Forcave të Armatosura të Ukrainës, nga 24 tetori deri më 24 nëntor, një numër rekord i ushtarëve rusë vdiqën në Ukrainë – 17,470. Kjo është edhe më shumë se në muajin e parë të luftës.

Lexo edhe :  Shtëpia e Bardhë do të ketë sallën më madhështore të ballove me 200 milionë dollarë

Për secilën prej tyre, familja e ushtarit të vrarë duhet të marrë 7.4 milionë rubla, ose rreth 110 mijë dollarë.

Humbjet më të mëdha në mesin e pajisjeve janë tanket dhe avionët. Rusia humbi 278 avionë luftarakë me një kosto mesatare prej 18 milionë dollarë dhe 261 helikopterë me një kosto mesatare prej 10.4 milion dollarë.

Gjithashtu, Rusia humbi pothuajse aq tanke sa kishte në fillim të pushtimit (2,897 nga afërsisht 3,300 më 24/02).

Në total, të gjitha pajisjet e humbura gjatë nëntë muajve të luftës i kushtuan Rusisë 20.8 miliardë dollarë.

Të fundit

Zjarr i përmasave të mëdha raportohet në Orikum

Një zjarr i përmasave të mëdha ka përfshirë pasditen e sotme një sipërfaqe me bimësi të thatë në hyrje...

Gjermani, mbështetja për AfD-në rritet sërish, vetëm 2% pas CDU/CSU

Mbështetja për partinë e ekstremit të djathtë Alternativa për Gjermaninë (AfD) është rritur në 25 përqind, sipas një sondazhi nga firma e hulumtimit të...

Një ruse provon pushime në Korenë e Veriut, e para në histori!

Koreja e Veriut ka hapur dyert për turistët rusë dhe ndër të parët që e shfrytëzoi këtë mundësi ishte 33-vjeçarja Anastasiya Samsonova. Ajo kaloi...

Milan dhe Juventus projektojnë shkëmbimin e bujshëm

Mediat italiane raportojnë se Milan dhe Juventus po diskutojnë për një shkëmbim të bujshëm mes tyre, që do t’i kënaqte të gjitha palët. Tashmë...

Zv/kryeminstri i Malit të Zi kërcënon Presidentin

Zëvendëskryeministri i Malit të Zi, Nik Gjeloshaj ka kërcënuar presidentin Jakov Milatoviç, pasi ky i fundit nuk dekretoi ligjin për tatimin mbi pasurinë e...

Lajme të tjera

Web TV