Mediat italiane i kanë kushtuar një artikull arrestimit të shqiptarit Artur Ndreka. Duke e quajtur mbreti i trafikantëve, Ndreka thuhet se kontrollonte shitjen e drogës në Romën jugore, madje ishte i lidhur me bosët e mafias lindore Arben Zogu, Dorian Petoku dhe Petrit Bardhi.
Ai quhej nga njerëzit e tij me pseudonimin ‘Shefi’. Mbretërimi i tij përfundoi të hënën e kaluar, pasi u vu në pranga së bashku me vëllain e tij, Markun.
Fuqia e tij shtrihej në Romën jugore: Acilia dhe Vitinia janë sheshet e tregtisë ku Ndreka po ngjitej me shpejtësi majën e piramidës.
Magjistratja hetuese Valeria Tomassini shkruante: Aktiviteti hetimor kthen pamjen e qartë të një qendre tregtare aktive që vepron në periferi romake të Vitinia dhe Acilia, veçanërisht në ndërtesën në via Castel D’Aioni dhe në lojërat në sallë në via Codigoro, të përdorura si vendtakim, të aftë për të trajtuar sasi kokaine dhe hashash dhe në kontakt me personazhe të njohur për thellësinë e tyre të lartë kriminale”.
Ministër i Brendshëm, Matteo Piantedosi, postoi në Tëitter: “Operacioni Gdf, mposhti tregun e drogës në Romë. Lufta kundër drogës është thelbësore për të luftuar përhapjen e krimit dhe paligjshmërisë”.
