Me rezultat 2-0, Holanda ka triumfuar përballë Katarit dhe është kualifikuar në fazën me eliminim direkt si lidere e grupit.
Cody Gakpo mori një top të bukur nga Davy Klaassen, krijoi hapësirë dhe e zhbllokoi rezultatin (26’).
Porsa filloi gjysma e dytë (49’), Frenkie de Jong ishte në vendin e duhur në kohën e duhur për ta shfrytëzuar një top të kthyer për dyfishimin e epërsisë.
Në vazhdim realizoi edhe Steven Berghuis, mirëpo goli u anulua pas konsultimit të VAR-it për shkak të prekjes së topit me dorë.
Në sfidën tjetër, Senegali mposhti Ekuadorin duke marrë vendin e dytë në grup pas Holandës.
Në minutën e 42-të, Senegali fitoi penallti, kur Ismaila Sarr u rrëzua në zonë nga Piero Hincapie.
Sarr mori për sipër për të gjuajtur penalltinë dhe ishte i saktë për 1-0.
Pjesa e dytë nisi më mirë për Ekuadorin, që tentonte të barazonte rezultatin.
Këtë gjë e arriti në minutën e 68-të, kur Moises Caicedo shënoi për 1-1.
Por vetëm pas dy minutash kapiteni i Senegalit, Kaulidou Koulibaly shënoi për 2-1.
Në minutën e 83-të, Boulaye Dia, ka mundur të mbyll ndeshjen, por nuk ishte i saktë nga një pozitë e mirë.
Në fund Senegali arriti të fitojë dhe të shkojë në kuotën e gjashtë pikëve, duke u bërë kombëtarja e parë nga Afrika që siguron një vend në mesin e 16-të më të mirave.
