Maroku luan ndeshjen më vendimtare të Grupit F teksa ndaj Kanadasë i duhen tre pikët, për të mos rrezikuar më pas me barazimin aty ku nuk do të kishte asgjë në dorë. Nga ana tjetër, kanadezët janë me 0 pikë dhe e kanë mbyllur rrugëtimin e tyre në Botëror, megjithatë do të pretendojnë të dalin të paktën me një pikë nga turneu në Katar.
Sa i takon formacioneve, te Maroku rikthehet titullar portieri Bono, ndërsa në mesfushë i zakonshmi Amrabat ndërsa në sulm, janë Boufal, En Nesyri dhe Ziyech. Nga ana tjetër, Kanadaja shpreson sërish te Davies që pasi shënoi ndaj Kroacisë, i duhet të bëjë një tjetër performancë pozitive dhe të udhëheqë i vetëm skuadrën.
Formacionet zyrtare:
Kanada: Borjan; Johnston, Adekugbe, Miller, Vitoria, Hoilett; Buchanan, Kaye, Larin, Davies; Osorio
Maroku: Bono; Hakimi, Saïss, Aguerd, Mazraoui; Amrabat, Ounahi, Sabiri; Boufal, En-Neysri, Ziyech.
