Japonia ka shkaktuar sensacion duke mposhtur Spanjën me rezultati 2-1, sikurse Gjermaninë, për të kaluar më tej si e para e grupit, ndërsa spanjollët falë golavarazhit kalojnë si të dytit.
Spanja arriti të shënojë në rastin e parë të mirë, ku Cesar Azpilicueta harkoi në zonë dhe gjeti Alavaro Moratan që shënoi me kokë për 1-0 (11’).
Pjesa e parë nuk solli më raste të tjera dhe u mbyll me epërsinë e spanjollëve.
Me të filluar pjesa e dytë Japonia arriti të barazojë shifrat, kur Ritsu Doan gjuajti bukur nga distanca për të shënuar për 1-1.
Vetëm dy minuta më pas japonezët shënuan dhe njëherë, kur nga një top që pothuajse ishte jashtë vijës, Mitoma arriti të asistojë te Ao Tanaka që shënoi për 2-1.
Pas tre minutash goli u konsiderua i rregullt dhe lojtarët japonezë filluan festën.
Marco Asensio lëshoi një gjuajtje në minutën e 89-të, por portieri japonez Shuichi Gonda ishte në vend.
Pas tij rast të mirë kishte edhe Dani Olmo në minutën e 90-të, por sërish Gonda priti gjuajtjen.
Shtatë minuta shtesë nuk dhanë asgjë dhe Japonia me gjashtë pikë kalon si e para e grupit, ndërsa Spanja me katër pikë kalon si e dyta.
https://youtu.be/woqouOY52_0
