Leo Messi dhe Argjentina fitojnë ndaj Australisë dhe kalojnë në çerekfinale, aty ku do të përballen me Holandën e profesorit Louis van Gaal.
Ndjekim disa nga titujt kryesorë të mediave sportive për ditën e sotme:
La Gazzetta dello Sport hapet me një problem të ri për bardhezinjtë: “Juve, kujdes nga CR7 ”. Më shumë telashe për Zonjën, Ronaldo ka kërkuar dokumentet e hetimit të Torinos për t’i marrë 20 milionët.
“Faleminderit Leo” është titulli i Corriere dello Sport, e cila ia kushton faqen e parë fitores së Argjentinës dhe paraqitjes fenomenale të Messit ndaj Australisë në 1/16.
Gazeta argjentinase Ole e hap me një falënderim për Leo Messin dhe shokët e tij: “Faleminderit njëmijë herë”, duke iu referuar ndeshjes së njëmijtë të ‘Pleshtit’.
Prestigjiozja franceze ‘L’Equipe’ hapet me titullin: “Blutë në pole position”. Franca përballet sot me Poloninë në 1/16, ku sigurisht cilësohet si favorite për të fituar.
“Gjak, djersë dhe Messi” shkruan madrilenia AS. Superylli argjentinas shënon golin e parë, jep një recital dhe kualifikon Argjentinën. Kombëtarja Albiceleste do të përballet në çerekfinale me Holandën.
Katalanasja Sport fokusohet gjithashtu tek i njëjti person: ”Messi shkon në çerekfinale”. Leo luajti ndeshjen e tij të njëmijtë duke udhëhequr Argjentinën dhe duke shënuar golin e tij të parë në fazën eliminatore në një Kupe Bote.
