Një sasi tritoli ka shpërthyer në murin rrethues të një banese në Sarandë. Ngjarja ka ndodhur rreth orës 04:45 të mëngjesit të sotëm.
Nga shpërthimi ka patur vetëm dëme të vogla materiale. Tritoli i është vënë objektit 3-katësh në pronësi të Lefter Lefterit alias Afez Kulla.
Njoftimi i policisë:
Më datë 05.12.2022 rreth orës 04:45, në lagjen nr.1, Sarandë, në murin rrethues të banesës së shtetasit L. L, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit.
