Fitorja e Argjentinës ndaj Holandës me anën e 11-metërshave pushton faqet e para të mediave sportive në ditën e sotme.
Ndjekim disa nga titujt kryesorë:
La Gazzetta dello Sport hapet me titullin e ndeshjeve të djeshme në Kupën e Botës: “ Vetëm Messi kërcen, Brazili qan”. Argjentina shkon në penallti me Holandën dhe e mposht, kurse Brazili ndalet aty nga Kroacia dhe braktis turneun.
Corriere dello Sport ripropozon dikotominë Messi-Neymar me bluzat e Argjentinës dhe Brazilit me kryetitujt: “Vetëm një mbret qesh”.
“Smalling, sërish Juve-Inter! “ është titulli i torinezes Tuttosport, me një hapje kushtuar merkatos drejt një emri që rikthehet në objektiv për Juven dhe Interin.
Edhe në Spanjë, AS hapet me rezultate të ndryshme për dy nga protagonistët kryesorë të Botërorit, në shortin e penalltive në çerekfinale: “Messi qesh, Neymar qan”.
Në Francë, nga ana tjetër, është dita e çerekfinales së shumëpritur kundër Anglisë dhe L’Equipe citon titullin e një prej filmave të James Bond, me Mbappe në rolin e spiunit më të famshëm në botë: “Humbja mund tju vizitojë”.
