Zyrtarët e Ukrainës thanë të mërkurën se Rusia sulmoi kryeqytetin Kiev me dronë të prodhuar në Iran duke dëmtuar 2 njësi administrative.
Kryetari i bashkisë së Kievit, Vitali Klitschko tha se shpërthimi ndodhi në Shevçeniski, një rajon në qendër të qytetit. Mbetet e paqartë nëse ka patur njerëz të lënduar.
Ushtria e Ukrainës tha se rrëzoi 13 dronë Shahed, i njëjti lloj dronësh, që Rusia ka përdorur për të goditur një sërë objektivash në qytete të ndryshme të vendit.
“Një sulm masiv me dronë mbi Kievin. Është e qartë se ushtria ruse ndihet e sigurt vetëm kur sulmon qytetet në paqe”, shkroi në një postim në Twitter Ministria e Mbrojtjes së Ukrainës.
Bashkimi Europian shtoi sanksionet ndaj Iranit gjatë kësaj jave për shkak të furnizimim të Rusisë me dronë që po përdoren në luftën e Moskës ndaj Kievit.
