Fitorja e Argjentinës ndaj Kroacisë në gjysmëfinale, pushton faqet e para të mediave sportive në ditën e sotme. Lionel Messi është vetëm një fitore larg trofeut të lavdishëm, që e ka kërkuar për vite me radhë.
Ndjekim disa nga titujt kryesorë:
La Gazzetta dello Sport ia kushton faqen e parë numrit 10 të Argjentinës: “MARAMESSI”. Paraqitja e shkëlqyer e Messit i dha një fitore historike Albiceleste, duke i dërguar në finale e Kupës së Botës.
Corriere dello Sport hapet me suksesin e Albiceleste: “Si Diego”. Një Messi stratosferik i jep Argjentinës finalen e Kupës së Botës.
Tuttosport ia kushton edhe faqen e parë Argjentinës : “Finalja e lavdishme”. Në ndeshjen e mbrëmjes së sotme, që do të përcaktojë finalistin e radhës për Botërorin: “Maroku lutet dhe Franca dridhet”.
“Nga cili planet keni ardhur” është titulli special i madrilenes AS. Messi jep një recital, shënon një gol, luan Kupën e Botës dhe dërgon Argjentinën në finale.
Katalanasja Sport shkruan: “Deri në finale!”. Argjentina mundi Kroacinë me një Messi të shkëlqyer, autor i një goli dhe një asistimi. Julián Álvarez shënoi një dygolësh.
Nga ana tjetër, ‘ L’Equipe ia kushton faqen e parë sfidës së sotme: “ Tre yje në sy “. Hapësirë edhe për Argjentinën në prerjen e lartë: “Messi dhe Mrekullitë”.
