Një person ka humbur jetën në Montpellier pas përleshjeve mes tifozëve të Francës dhe Marokut pas gjysmëfinales së Kupës së Botës, ku gjelat triumfuan me rezultatin 2-0.
Tifozët e dy skuadrave kanë nisur përleshjet trup më trup, duke lëshuar dhjetëra fishekzjarrë, me përleshjet që janë përshkallëzuar.
Në një deklaratë të bërë nga zyra e qeverisjes vendore u bë me dije se i riu u godit me dhunë nga një makinë në jug të Francës. Ai u dërgua në spital për të marrë ndihmën e parë mjekësore por nuk mundi të mbijetojë.
#freedom4U#Moroccans rioting in #Montpellier surround a #French supporters car before ripping the flag off it, the French driver plows through them and speeds off. pic.twitter.com/gLsfJenKpv
— Greg Sayle (@freedom4UU) December 14, 2022
Prefekti i rajonit Ero, Hus Mutou, njoftoi herët të enjten se një fëmijë i vogël kishte vdekur.
“Një fëmijë i ri u godit në Montpellier nga një shofer pas gjysmëfinales. Ai vdiq pak pasi u dërgua në urgjencën e spitalit. Mjeti ndodhet pranë ngjarjes, ndërkohë që po vijon hetimet nga policia”, thuhet në njoftimin e Prefekturës së Erosit.
Gjithashtu bëhet e ditur se automjeti që shkaktoi ngjarjen e rëndë është gjetur pranë vendit ku u përplas i riu. Policia ka nisur hetimet. Video të shpërndara në rrjetet sociale tregojnë turmat e tifozëve në rrugë duke tentuar të ndalojnë një automjet që drejtohej në mënyrë të çrregullt.
Tifozët e Francës dhe Marokut ishin përplasur edhe në Paris pas ndeshjes. Franca siguroi finalen në botërorin e Katarit përballë Argjentinës pasi mposhti Marokun një natë më parë.
