Një sherr banal dhe me goditje fizike në emisionin “Përputhen” ka shkaktuar reagimin e fortë të pastorit të njohur Akil Pano.
Duke e komentuar këtë emision, për të cilin thotë se duhet të ndërpritet, pastori Pano shprehet se emisioni i Top Channel ku vajzat dhe djemtë shkojnë për të krijuar lidhje, është një degradim total që keqprezanton vajzën, gruan dhe motrën shqiptare.
Postimi i tij i plotë:
Skandal!!! Degradim total dhe keqprezantim i vajzës, gruas, motrës, dhe çdo modeli sjelljeje. Dhunë verbale e fizike në program. Në këtë program përpara disa vitesh kam qenë opinionist në prime time dhe brenda programit jam përpjekur të flas qartë për këto modele të shëmtuara sjelljeje. Ky Program televiziv po pasqyron modele të papërshtatshme, ku ‘fama’ e premtuar është shndërruar në qëllim dhe antivlerat prezantojnë njeriun siç njeriu nuk duhet të jetë. Për këtë mendoj se ky emision duhet të ndërpritet.
