Fernando Santos nuk është më trajner i Portugalisë pasi ekipi i tij humbi nga Maroku në çerekfinalet e Kupës së Botës, ka njoftuar Federata Portugeze e Futbollit (FPF).
“Pas një prej pjesëmarrjeve më të mira ndonjëherë nga ekipi kombëtar në fazat finale të Kupës së Botës…FPF dhe Fernando Santos e kuptojnë se ky është momenti i duhur për të nisur një cikël të ri”, thuhet në një deklaratë të FPF.
Santos, i cili është kritikuar shumë për taktikat e tij, u bë trajner i Portugalisë në vitin 2014 dhe drejtoi kombëtaren portugeze për 109 ndeshje.
Ata fituan Kampionatin Evropian në 2016 dhe Ligën e Kombeve në sezonin 2018/19.
“Përveç titujve të fituar, Fernando Santos u bë trajneri me më shumë ndeshje dhe me më shumë fitore. Ishte një nder të kishim një trajner dhe një person si Fernando Santos në krye të ekipit kombëtar”, shkruhet në njoftim.
Um 𝗟𝗲𝗴𝗮𝗱𝗼 histórico. 🏆🏆 Obrigado por tudo, Mister. 🇵🇹 #VesteABandeira
A historical 𝗟𝗲𝗴𝗮𝗰𝘆. 🏆🏆 Thank you for everything, Coach. 🇵🇹 #WearTheFlag pic.twitter.com/7emUN6LbZB
— Portugal (@selecaoportugal) December 15, 2022
