Selia e Shenjtë në Vatikan u përfshi sot nga një atmosferë festive, pasi Papa Françesku feston sot ditëlindjen e 86-të. Papa ka zgjedhur të festojë ditëlindjen e tij këtë të shtunë, duke nderuar tre persona që bëjnë bamirësi për të varfrit.
Papa Françesku vizitoi një konvikt në Romë të drejtuar nga Misionarët e Bamirësisë për t’u dhënë “lulen e tij të mirënjohjes” tre burrave bamirës.
Gjatë aktivitetit të së shtunës, ai i dhuron çdo bamirësi një glob të vogël të fiksuar brenda një kubi që vepron si piedestal.
Kubi është një “simbol i dashurisë që mban botën” dhe një dritare është përshkruar në glob që tregon Nënë Terezën, duke përqafuar një fëmijë.
Idea për dritaren erdhi nga një vërejtje e bërë nga Papa Shën Gjon Pali II pas vdekjes së Nënë Terezës: “Nënë Tereza ishte një dritare e hapur nga e cila Jezusi shikonte dhe buzëqeshte dhe u dha ngushëllim dhe dinjitet kaq shumë njerëzve të varfër në atë vend dhe shumë pjesë të botës”.
Kreu i Kishës Katolike, Papa Françesku lindi në 17 dhjetor 1936 në Buenos Aires, Argjentinë. Ai ka qenë sovran i shtetit të Vatikanit që nga 13 marsi 2013, i cili është Papa i parë i ardhur nga jashtë Europës.
