Emiliano Martinez ka shpjeguar se ai bëri një gjest të turpshëm në marrjen e çmimit “Doreza e Artë” të Kupës së Botës për t’u kundërpërgjigjur tifozëve francezë pasi ata e vërshëllyen atë gjatë fitores drithëruese të Argjentinës në finale.
Portieri ishte një nga heronjtë e Argjentinës në finale, duke bërë një pritje vendimtare për t’i mohuar golin Randal Kolo Muani në minutën e fundit të vazhdimeve dhe më pas duke pritur penalltinë e Kingsley Coman dhe Tchouameni, në 11 metërsha, për të siguruar triumfin.
Pasi mbajti të paprekura tre porta në Katar, Martinezit iu dorëzua Doreza e Artë e cila i jepet portierit më të mirë në turne. Menjëherë më pas, ai u fotografua duke bërë një gjest të vrazhdë me çmimin teksa e mbante mbi pjesët e tij intime.
Martinez mohoi Randal Kolo Muani në fund të kohës shtesë për ta çuar ndeshjen në penallti
“E bëra sepse francezët më vërshëllyen. Krenaria nuk funksionon me mua”, tha ai për radion argjentinase La Red.
Ai ishte i emocionuar me këtë triumf, duke thënë se ata luftuan deri në fund dhe e merituan të merrnin në këtë trofe në duart e tyre.
Mirëpo, Martinez mund të ndëshkohet për festën e tij nga FIFA, pasi ishte një veprim që nuk përkon me rregulloret e futbollit.
