Përfaqësuesja e Francës është kthyer në shtëpi, ku janë pritur si heronj pas humbjes së finales në Kampionatin Botëror.
Të zgjedhurit e Didier Deschamps bënë dy rikthime të jashtëzakonshme ndaj Argjentinës, megjithatë humbën pas ekzekutimit të penalltive.
Edhe pse nuk e fituan dot për të dytën herë radhazi Kupën e Botës, mijëra njerëz janë mbledhur në “Place de la Concorde” në Paris duke ua bërë pritjen e merituar heronjve të tyre.
🏆 #FIFAWorldCup
🇫🇷🙌 Les Bleus ovationnés par les supporters place de la Concorde #beINFWC2022 pic.twitter.com/cm3V2hm71q— beIN SPORTS (@beinsports_FR) December 19, 2022
Lojtarët, trajneri dhe stafi janë fotografuar nga momenti duke zbritur nga aeroplani dhe derisa Deschamps ishte i buzëqeshur, disa futbollistë, përfshirë edhe Kylian Mbappen nuk e kishin të njëjtin disponim.
Ceremonia e pritjes është zhvilluar sonte (e hënë), ndërsa pamjet e mëposhtme tregojnë admirimin e francezëve për heronjtë e tyre.
