Në një reagimi në rrjetet sociale, eksperti i Kriminalistikës Ervin Karamuço denoncon një ngjarje tepër të rëndë.
Në kuadër të festave të fundvitit dhe pikërisht, në ditën e Krishtlindjeve, Karamuço njofton se shumë arsimtarë të institucioneve arsimore kryesisht private janë duke u censuruar nga pronarët e tyre për të uruar njëri-tjetrin apo edhe nxënësit në ambientet e shkollës apo llogaritë e tyre private në rrjetet sociale.
“Në këto ditë urimesh fundviti, disa arsimtarë të institucioneve private laike, po përballen me ekstremizëm të dhunshëm verbal dhe psikologjik nga drejtuesit e tyre. Është alarmante edhe për çështje të sigurisë, që një institucion arsimor tju ndalojë mësuesve shkëmbimin e urimeve për krishtlindje dhe vitin e ri, duke ndaluar festat e fundvitit për nxënësit dhe censuruar çdo foto me bredhin festiv”, shkruan Karamuço.
