Një 22-vjeçar është arrestuar nga policia e Durrësit, pasi ka dhunuar dhe bullizuar 2 vajza 17-vjeçare.
Në pranga është vënë A.D, 22 vjeç, banues në lagjen nr. 6, Durrës dhe në momentin e kapjes, gjatë kontrollit fizik të ushtruar ndaj tij policia i ka gjetur dhe sekuestuar një mjet prerës (thikë). 22-vjeçari ndodhet i shoqëruar dhe po vijojnë veprimet për sqarimin e plotë të rrethanave të ngjarjes.
Po ashtu edhe 2 të miturat 17-vjeçare, të përfshira në këtë ngjarje, dhe në bashkëpunim me punonjësit e shërbimit social dhe me psikologun, te dyja shtetaset do të intervistohen me qëllim dokumentimin e plotë të këtij rasti.
Në videon e bërë publike në rrjetet sociale shihet se i riu, fillimisht e godet vajzën dhe më pas e kërcënon se do të bëjë me të ç’të dojë nëse nuk i bindet atij.
Më pas e detyron, të ulet në gjunjë dhe t’i puthë këmbët shoqes së saj, e cila me krenari filmon momentin.
