Një lajm surprizë na vjen nga Aurela Hoxha. Blogerja e njohur duket se është bërë nënë për herë të dytë dhe këtë herë me një vajzë. Aurela ka zgjedhur që jetën private ta mbajë sa më larg vëmendjes mediatike, duke u fokusuar vetëm tek angazhimet e saj.
Por duket se një lajm i tillë nuk mund të mbetej pa u mësuar nga miqtë e afërt të artistes. Prej kohësh, modelja Aurela Hoxha është larguar nga Shqipëria pasi ka nisur një jetë të re në Spanjë, ku ka krijuar dhe një linjë me bikini.
Modelja dhe partneri i saj, Albani, pas gjashtë vitesh janë bërë prindër të një djali, të cilin e mban shumë larg syrit të publikut dhe rrallë herë poston foto të tij në rrjetet sociale. E njëjta gjë ndodh edhe me bashkëshortin e saj, të cilin Aurela nuk e poston pothuajse asnjëherë.
Natyrisht që në ditët në vijim do të mësojmë më shumë detaje edhe nga lindja e vajzës së saj. Duke folur pak kohë më parë në një intervistë për partnerin e saj modelja tha: “Ka respektuar shumë zgjedhjet e mia dhe unë jam shumë e lumtur për këtë. Nuk mendoj se ka çifte që nuk ka zënka e probleme, por është një njeri që rrallëherë ndodhë që të më nervozojë. Edhe nëse e bën di të më qetësojë, është njeri shumë i mirë edhe ajo që vlerësoj më shumë është shpirti dhe mënyra si më bën të ndihem. Fakti që unë ndihem e plotësuar me të mjafton!”
