Aktori i humorit Julian Deda ka zbuluar se nuk flet me një prej kolegëve të tij. Teksa ishte i ftuar në “Zemër Luana”, ai është pyetur se cilin do të zgjidhte si aktorin që ka mik të mirë dhe atë me të cilin nuk flet prej kohësh. Deda nuk ka hezituar aspak dhe ka zgjedhur dy emra.
Gentian Zenelajn, e ka quajtur mikun e tij më të mirë, por ka rrëfyer se nuk flet me Salsano Rrapin për shkak të një roli që Juli ka marrë. Sipas tij Salsano është treguar nehilist dhe nuk meriton as të duartrokitet.
Kujtojmë se moderatori dhe njëkohësisht aktori i “Portokalli”, Salsano Rrapi ishte i ftuar disa muaj më parë në një intervistë, ku gjatë saj tregoi se nuk flet me Julin dhe se ata nuk kanë pasur ndonjë konflikt.
“Me të gjithë të larguarit nga “Portokallia” shkoj shumë mirë pavarësisht se na ka ndarë koha, puna. Me të vetmin person që nuk komunikoj është Jul Deda. Nuk kam pasur ndonjë konflikt por thjesht nuk flas, ose atij i duket meqë ka ikur e nuk do t’i flas asnjërit. Ky program është si në futboll, nëse të paguan dikush më shumë ikën”, është shprehur më herët Salsano.
