Grupi i hakerave “Anonymos” kanë dalë me mesazhe të reja për presidentin e Serbisë, Aleksandër Vuçiç, të cilit i janë drejtuar duke i thënë si “kukulla e Vladimir Putin”.
“Hej, kukull e Putinit, ku je? Ende me qentë?”, ishte mesazhi drejtuar Vuçiç.
Që prej fundit të dhjetorit, grupi i hakerave doli me një mesazh përmes një video, ku shtjellonte problemet që regjimi i Beogradit po shkaktonte në pjesën veriore të Kosovës.
“Ne kemi vërejtur se grupet kriminale serbe po përpiqen të provokojnë një konflikt të armatosur përmes tensioneve dhe provokimeve luftarake në veri të Kosovës. Presidenti autokratik serb Aleksandar Vuçiç, një kukull e Vladimir Putinit, po përpiqet të destabilizojë rajonin duke përdorur mekanizmat e dhunës dhe terrorit të kriminelit të luftës Slobodan Millosheviq, por dihet se tentativat e tij do të jenë vetëvrasëse”, tha Anonymous në fund të vitit të kaluar.
Ndërsa, Putin iu përgjigj duke postuar një foto të tij duke luajtur me qentë.
“Reagimi ynë kolektiv do të jetë vendimtar dhe i menjëhershëm. Anonymous nuk është një grup i vogël njerëzish të pafuqishëm për t’u injoruar. Ne jemi një kolektiv i organizuar dhe globalisht aktiv i njerëzve me mendje të njëjtë dhe nëse nuk i ndaloni veprimet tuaja të rrezikshme në Kosovë, mesazhi ynë do të jetë e qartë”, kërcënuan më pas ata.
