Chelsea ka konfirmuar marrëveshjen per huazimin e sulmuesit Joao Felix nga Atletico Madridi.
Blutë e Londrës nuk kanë të ndalur në afatin kalimtar të janarit, pasi kanë konfirmuar përforcimin e tretë deri tani.
Pas David Datro Fofana dhe Benoit Bodiashile, Chelsea ka konfirmuar edhe transferimin e portugezit Joao Felix.
“Joao Felix do të jetë pjesë e skuadrës së Chelsea për pjesën e mbetur të sezonit, pasi u transferua në Stamford Bridge si huazim nga Atletico Madrid”, thuhet në njoftim.
Huazimi i portugezit deri në fund të sezonit thuhet se do t’i kushtojë Bluve rreth 10 milionë euro, ndërsa nuk ka të përfshirë ndonjë opsion blerje.
