Merkato e janarit tani është kryefjala e përditshme e këtij muaji pasi disa transferime të bujshme pritet të ndodhin, ku mes tyre mund të vendoset fati i skuadrave për këtë sezon.
Ndjekim disa nga titujt kryesorë të mediave sportive për ditën e sotme
“Dreqin, çfarë demash” titullohet La Gazzetta dello Sport, e cila i referohet suksesit të Torinos ndaj Milanit në Kupën e Italisë.
Tuttosport hapet me titullin: “Demi heroik”, duke u fokusuar gjithashtu tek fitorja e Torinos ndaj Milanit. Adopo në një asistim të Bayeye në minutën e 114-të i jep Demave një triumf të shkëlqyer dhe të merituar.
“Një miliard për Maradonën”, kështu hapet Corriere dello Sport në lidhje me ndeshjen e madhe të së premtes mbrëma mes Napolit dhe Juventusit.
Real Madridi fitoi pas penalltive ndaj Valencias në gjysmëfinalen e Superkupës së Spanjës, me gazetën AS që hapet me titullin në faqen e parë: “Courtois vlen një finale”, duke vlerësuar në maksimum performancën e portierit të Los Blancos.
Nga ana tjetër, “Messi i shenjtë” kryeson L’Equipe në Francë, me kampionin e botës që tërhoqi Paris Saint-Germain drejt suksesit në kampionat kundër Angers. PSG nuk shkëlqeu, Messi u rikthye pas triumfit në Katar dhe shënoi golin e dytë për skuadrën e Galtier.
“Të uritur për një titull” shkruan katalanasja Sport. Barça fillon sulmin e saj në Superkupën e Spanjës në një sfidë të rrezikshme kundër Real Betis.
