Detaje të reja janë zbardhur nga ngjarja e ndodhur në Shkodër, ku shefit të Krimeve iu vendos tritol në shtëpinë e tij.
Kamerat e sigurisë, kanë fiksuar autorin që vuri lëndën shpërthyese në banesën e Pëllumb Shpatit. Kamerat kanë fokusuar një person shkon drejt banesës në këmbë, vë lëndën plasëse dhe ikën pak metra më tutje ku e pret makina. Pritet që tu vijnë në ndihmë kamerat e sigurisë që ndodhen në zonë për të bërë të mundur identifikimin e autorit apo autorëve të vendosjes së lëndës plasëse.
Një grup i posaçëm hetimor i përbërë nga drejtues të prokurorisë dhe policisë së Shkodrës po kryejnë veprimet proceduriale në banesë.
Shpërthimi i fuqishëm me tritol fatmirësisht nuk ka shkaktuar të lënduar por ka shkaktuar dëme të mëdha materiale në banesën tre katëshe ku jeton familja e Pëllumb Shpatit, babai dhe vëllezërit. Në banesë jetojnë 17 pjesëtarë të familjes.
