Twitter-i po vijon të goditet nga mungesa e reklamave, duke pësuar një rënie prej 40% në të ardhurat pasi më shumë se 500 klientë kanë ndaluar investimet e tyre në këtë media sociale.
Sipas medieve të huaja, të ardhurat ditore të kompanisë ranë në 40% nga viti në vit, ndërsa faqja e lajmeve “Information” tha se stafit iu tha se më shumë se 500 reklamues kryesorë të Tëitter kishin ndalur investimet që kur miliarderi Elon Musk e bleu atë në tetor të 2022.
Reklamimi është burimi kryesor i të ardhurave për Twitter, duke zënë më shumë se 90% të të ardhurave të tij prej 5.1 miliardë dollarësh në vitin 2021, por klientët duke përfshirë “Audi” dhe “Pfizer” janë ndër firmat që kanë ndaluar investimet pas blerjes prej 44 miliardë dollarësh nga CEO i Tesla.
