Big Brother Vip Albania duket se ka mbërthyer njerëzit pas ekranit edhe këtë sezon të dytë, kjo falë një prej personazheve më karizmatikë që bën pjesë në këtë edicion. Bëhet fjalë për këngëtarin Luiz Ejlli. 37-vjeçari nga Shkodra duket se është favoriti kryesor për të fituar çmimin e madh duke bërë për vete mijëra fansa në gjithë Shqipërinë.
Por kjo nuk është hera e parë që Luizi tërheq vëmendjen e mediave. Jo më larg se tre vite më parë, këngëtari shkodran pati një “përplasje” me kryeministrin Rama lidhur me një status të këtij të fundit gjatë kohës së pandemisë.
Gjatë izolimit, daljet ishin të limituara duke bërë që fundjava të ishte e dedikuar vetëm për një grup njerëzish të caktuar. Ky rregull ngjalli jo pak debate dhe një prej tyre ishte këngëtari Luiz Ejlli, i cili zgjodhi të ironizojë statusin në Facebook-un e Ramës.
