Mbrojtësi i Katarit, Abdelkarim Hassan, është pezulluar për një kohë të pacaktuar nga federata e futbollit të vendit pas një debati me një tifoz në rrjetet sociale.
Mediat e Katarit raportuan se Hassan iu përgjigj një ankese të “Snap Chat” për rezultatet e Katarit në Kupën e Botës, që vendi në fjalë e organizoi në fund të 2022-shit.
Komentit të tifozit mbrojtësi iu përgjigj duke thënë:“Relaksohuni, a mendoni se kjo është luftë?”
Për këtë ngjarje Hassani u gjobit me 200,000 rijalë të Katarit. Ndërsa dy lojtarë të tjerë të kombëtares, Bassam al-Rawi dhe Mohamed Waad, u gjobitën përkatësisht me 100,000 dhe 50,000 rijalë të Katarit, ndërsa arsyet pse këta dy të fundit janë sanksionuar, nuk bëhen ende të ditura.
