Guardiola me deklaratë të fortë pas fitores ndaj Tottenham: “Nuk jemi në nivelin e duhur”

113 563 lexime

124,178FansaPëlqeje

Pep Guardiola dha një intervistë të fortë pas ndeshjes pavarësisht fitores së shkëlqyer me rikthim të Manchester Cityt kundër Tottenham Hotspurs të enjten mbrëma.

City kishte një pjesë të parë për të harruar pas dy gabimeve të dobëta të cilat u shfrytëzuan nga dyshja e Spurs, Dejan Kulusevski dhe Emerson Royal.

Spurs shkoi në pushimin mes pjesëve me rezultat 2-0, ndërsa lojtarët e Cityt u pritën nga vërshëllimat goditjet e tifozëve të pakënaqur vendas.

Në pjesën e dytë, City tregoi zemër dhe shpirt të jashtëzakonshëm pasi dy gola të shpejtë nga Julian Alvarez dhe Erling Haaland barazuan rezultatin.

Rikthimi sensacional i Cityt u përfundua më pas pasi Riyad Mahrez shënoi në minutën e 63-të për 3-2 dhe me një tjetër në minutën e 90-të vulosi një fitore të madhe 4-2.

Megjithatë, pavarësisht rezultatit, Guardiola nuk ishte aspak i lumtur gjatë intervistës së tij pas ndeshjes. Spanjolli tha se lojtarëve të tij u mungonte guximi, pasioni, shpërthimi dhe dëshira për të fituar.

“Në mungesë të guximit, pasionit, zjarrit, dëshirës për të fituar nga minuta e parë. Njësoj edhe me tifozët, 45 minuta heshtin. Unë dua që tifozët e mi të kthehen! Jemi shumë, shumë larg nga të qenit në gjendje të konkurrojmë në nivelin më të lartë”, ka thënë fillimisht Guardiola.

Guardiola më pas deklaroi se ai nuk e njeh ekipin e tij pas betejave të tyre të fundit.

“Ne kemi një kundërshtar si Arsenali që shpërthen. Dy dekada pa fituar Premier League-n. Po shpjegoj realitetin, gjithçka është aq komode, por kundërshtarët nuk presin. Nuk e njoh skuadrën time, ata kishin pasion dhe dëshirë për të garuar”.

“Jemi shumë larg skuadrës që kishim në sezonet e mëparshme. A mendoni se ky rikthim do të ndodhë çdo herë? Jo, nuk do të ndodh”.

Lexo edhe :  Spektakël në “Parc des Princes”, Barcelona përmbys PSG dhe hedh një hap në gjysmëfinale

“Sot ishim me fat. Nëse duam të fitojmë diçka ose të konkurrojmë – por duke u ankuar, duke u ankuar, duke u ankuar – nuk ka shanse të fitojmë asgjë:.

“A mendoni se ne do ta ndjekim diferencën me Arsenalin ashtu siç po luajmë? Në asnjë mënyrë”, përfundoi trajneri i Cityt.

Të fundit

Analiza/ Pse disa vende arabe po e ndihmojnë Izraelin kundër Iranit?

Mbrëmjen e së shtunës Irani lëshoi më shumë se 300 dronë dhe raketa në drejtim të Izraelit, si hakmarrje për sulmine dyshuar...

Krim i rëndë në familje/ Bashkëshorti vret gruan në banesë, zbardhen detajet tronditëse

Një krim i rëndë ka ndodhur në Pejë, ku dyshohet se bashkëshorti ka vrarë gruan e tij në banesë. Ngjarja ka ndodhur në qendër të...

Hap i madh për Kosovën/ Votohet sot anëtarësimi në Këshillin e Evropës

Këtë të martë, në Asamblenë Parlamentare të Këshillit të Evropës, do të zhvillohet debat dhe më pas do të votohet për anëtarësimin e Kosovës...

Media spanjolle: Shqipëria, destinacioni autentik më i përballueshëm në Evropë

E konsideruar si Karaibet Evropiane, Shqipëria është një nga destinacionet më autentike dhe të përballueshme në Evropë, plot me pasuri natyrore dhe ndikime kulturore...

Hetimet e SPAK, Meta paralajmëron largimin e Monika Kryemadhit nga partia?

Në mënyrë të beftë Ilir Meta njoftoi nisjen e procedurave për të larguar Monika Kryemadhin nga strukturat drejtuese të Partisë së Lirisë. Nën moton kundër...

Lajme të tjera

Web TV