Kryeministri Edi Rama ka falenderuar ekipet e emergjencave civile, nga Ushtria, Policia, OSHEE, Shëndetësia, ato të Bujqësisë dhe Emergjencat Civile, për punën e bërë gjatë këtyre ditëve të vështira për vendin, në disa qarqe përkatëse.
“Mirënjohje për punën e palodhur të ekipeve tona të Ushtrisë, Emergjencave Civile, Policisë, OSHEE-së, Shëndetësisë, Bujqësisë, në zonat e prekura nga reshjet e larta të shiut dhe dëborës, në bashkëpunim të ngushtë ditë-natë me ekipet e bashkive e të prefekturave përkatëse”, shkruan Rama, teksa ndan dhe fotot.
Ditët e fundit vendi ynë është përfshirë nga një mot i paqëndrueshëm e me reshje intensive shiu pothuajse në të gjithë territorin. Ndërkohë, në zonat malore ka pasur përmbytje dhe bllokim të rrugëve nga reshjet e dëborës.
