Një 55-vjeçare me iniciale Sh.Ll është gjendur e pajetë në ujërat e lumit në fshatin Rehovë të Skraparit.
Më herët bashkëshorti i saj kishte njoftuar në polici se bashkëshortja ishte larguar nga banesa dhe prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë.
Trupi i pajetë i 55-vjeçares është nxjerrë nga uji, dhe nga këqyrja paraprake e trupit të viktimës, nuk janë konstatuar shenja dhune. Grupi hetimor po punon për sqarimin e plotë të rrethanave të ngjarjes.
