Qeveria ka shpallur thirrjen e parë për të gjithë të rinjtë që duan të marrin pjesë në Programin e Kodimit.
E pranishme në aktivitet, Ministrja e Arsimit dhe Sportit, Evis Kushi, u shpreh se zhvillimi i teknologjisë, inovacioni, globalizimi, tregu i punës që transformohet çdo ditë kërkon profesione të reja, ofron mundësi të reja. Për ministren, që të rinjtë t’i shfrytëzojnë këto mundësi të ofruara në këtë kohë, duhet të pajisen me disa aftësi të reja, aftësitë e shekullit 21, që janë logjika, kreativiteti, mendimi kritik, aftësitë praktike.
“Shekulli i 21 është shekulli i teknologjisë, inovacionit dhe digjitalizimit. Vitin e kaluar morëm vendimin për të përfshirë Teknologjinë e Informacionit dhe Komunikimit dhe programet e kodimit që në klasën e parë. Kemi nisur një projekt pilot në 100 shkolla ku kemi ngritur 100 laboratorë inteligjent, me një teknologji të përparuar. Kemi trajnuar mësuesit, jo vetëm për përdorimin e kësaj teknologjie të përparuar por edhe programin, një platformë novatore për t’i mësuar nxënësve kodimin nëpërmjet lojës”, tha ministrja.
Programi i Kodimit do tu japë mundësi të rinjve të talentuar dhe të sapo dalë nga bankat e shkollave të kenë mundësi për paga më të larta dhe rritje profesionale mund të gjendet lehtësisht në e-Albania dhe nga sot (23 janar) është i aksesueshëm për të gjihë të interesuarit.
