Nga Monada Mehmetaj, Strasbourg
Presidenti i APKE-së Tiny Kox, Marija Pejçinoviq Buriç, Sekretarja e Përgjithshme e Këshillit të Evropës dhe Beatrice Fresko-Rolfo, nënkryetare e Komitetit për Barazi dhe Mosdiskriminim, inauguruan sot ekspozitën “Fustani i Kuq’ , organizuar gjatë seancës parlamentare në Këshillin e Europës, në prani të artistes britanike Kirstie Macleod, e cila është dhe ideuesja.
Presidenti i APKE-së Tiny Kox, gjatë fjalës së tij, pasi përshëndeti të pranishmit, tha se ky projekt, përveç se është një deklaratë e fuqishme bashkimi, është gjithashtu dhe një shkrirje e dialogëve dhe identiteteve kulturore.
‘Projekti “Red Dress” është shëndërruar në një platformë në të cilën zëri i grave që vijnë nga komunitetet e refugjatëve ose jetojnë në varfëri, dëgjohet.
“Fustani i kuq” tashmë ka shëtitur në të gjithë botën, nga Meksika në Londër, nga Parisi në Wells e Dubai.
Pas xhiros së botës, më lejoni t’ju them se tashmë “Fustani Kuq” është me ne këtu, në Këshillin e Europës.
Të nderuar zonja e zotërinj, ky projekt përfaqëson historitë individuale të të gjithë atyre që janë përfshirë në këtë udhëtim dhe eksperiencë unike, dhe gjithashtu përfaqëson sfidat e çdonjërit pej tyre, të gjithë janë të ‘shkruar’ në historinë e këtij fustani.
Gjithësesi, copa e fustanit është një emblemë e bashkimit dhe barazisë, që na tregon se çfarë mund të arrihet kur njerëzit bëhën bashkë.
Në këtë moment ky mesazh është i përshtatshëm për rrethanat në të cilat bota ndodhet.
Duke punuar, bashkëpunuar të gjithë bashkë, mund të arrijmë gjithçka dhe të thyejmë barrierat që eksistojnë mes njerëzimit dhe shpresojmë të krijojmë një botë më të mirë për të jetuar.
Faleminderit që erdhët, dhe shpresoj të ju pëlqejë ekspozita”, ka përfunduar ai fjalimin e tij, para të pranishmëve.
Fustani, një projekt qëndistari bashkëpunuese, i përbërë nga 85 copa mëndafshi, u punua nga 363 gra, 7 burra dhe 2 artistë nga 50 vende të botës, duke përfshirë refugjatë nga vendet e shkatërruara nga lufta, azilkërkues dhe gra nga komunitetet e cenueshme.
Gjatë 13 viteve të krijimit të tij, “Fustani i Kuq” është kthyer në një platformë shprehjeje dhe një mundësi për të gjithë zërat që të dëgjohen.
Ekspozita përmban edhe foto të procesit të qëndisjes.
