Mbrëmjen e djeshme në mediat online bëri xhiro lajmi se ish-banori i Big Brother Kosova, Gjon Karrica, i njohur si Lugati ka rezultuar pozitiv me Hiv-Aids.
Fatmirësisht ky lajm rezulton i rremë dhe për këtë ka reaguar po i njëjti portal i cili ishte zanafilla e kësaj deklarate.
“Indeksonline”, përgënjeshtroi lajmin duke kërkuar edhe falje. Menjëherë pas kësaj ka reaguar Klan Kosova me një deklaratë ku tregon gjendjen e Lugatit. Nga Klinika Infektive në Kosovë kanë njoftuar të dielën mbrëma për gjendjen e pacientit, Gjon Karrica.
“Nuk ka ndryshuar as trajtimi dhe as gjendja e pacientit, Gjon Karrica, kurse konfirmojmë se gjendja e të njëjtit është stabile. Ai është duke vazhduar trajtimin në Klinikën Infektive. Kërkojmë që të gjithë t’i referohen vetëm informatave zyrtare dhe për çdo gjë të drejtohen në zyrën për informim në ShSKUK”, është theksuar nga Klinika Infektive për Klan Kosovën.
