Arsenali raportohet se ka kompletuar transferimin e Jorginhos nga Chelsea.
Mesfushori italian është pajtuar t’i bashkohet rivalit të “Bluve” në një kontratë një vit e gjysmë, me mundësi vazhdimi edhe për një tjetër vit, raporton Fabrizio Romano.
Chelsea do të përfitojë 20 milionë euro nga shitja e Jorginhos, që kishte vetëm edhe gjashtë muaj kontratë në “Staford Bridge”.
Testet mjekësore tashmë janë vendosur për italianin dhe pritet që në orët në vazhdim të bëhet zyrtare.
Në anën tjetër, Chelsea ende po punon në transferimin e Enzo Fernandez nga Benfica për shifrën rekorde 120 milionë euro.
