Prokuroria e Tiranës, ka kërkuar arrest me burg për mjekun Nazmi Metaliu dhe imazheristit Astrit Mansaku, të arrestuar për korrupsion dhe shpërdorim detyre.
Seanca për caktimin e masës së sigursië ndaj tyre pritet të nisë rreth orës 11:00 , ku gjykata do njihet me aktet e dosjes, dhe do vendosë nëse do pranojë kërkesën e prokurorisë, apo do caktoj masë më te butë sigurie ndaj imazheristit dhe mjekut të QSUT-së.
Në dosjen hetimore thuhet se gjithçka nisi kur një pacient që do bënte skaner i kanë shtyrë datën dhe kanë futur një tjetër në vend të tij. Ky pacienti ka bërë kallëzim, më pas kanë futur një të infiltruar dhe kanë dokumentuar shkeljet që kryheshin në QSUT.
Nga përgjimet ka rezultuar se mjekët kishin ngritur një skemë korruptive me një shërbim publik. Ata fusnin njerëz jashtë radhe dhe merrnin deri në 120 mijë lekë të vjetra për çdo pacient që trajtohej në mënyrë preferenciale.
Hetimet kanë nisur disa muaj më parë, ndërsa hetuesit kanë dokumentuar disa raste të shkeljes së ligjit nga dy punonjësit e QSUT.
