Rinovimi i Leo Messit, PSG në probleme serioze me bilancin e klubit

113 563 lexime

124,178FansaPëlqeje

Nga njëra anë dëshira për ta mbajtur, nga ana tjetër problemet me bilancin. Me pak fjalë është një ekuacion jo dhe aq i thjeshtë ai që ndërthur rinovimin e Leo Messit dhe shtrëngimet e fair-play financiar për PSG, që është e detyruar të reduktojë zërin e pagave në buxhet. Gjithsesi tratativa me argjentinasin është e avancuar dhe vazhdon, sipas sinjaleve që vijnë nga Parisi ku drejtori sportiv Luis Campos deklaroi: “Po flasim me Messin, do të kisha dëshirë të qëndronte”.

Gjithsesi procesi nuk mund të jetë i garantuar, pasi klubi i emirit të Katarit duhet gjithsesi të bëjë llogarinë me një gropë prej 300 milionë eurosh në bilanc. Një suvenir i hidhur i dy vjeçarit të kushtëzuar nga Covidi, por edhe nga politika e investimeve për të ardhmen, që lidhet me rinovimin e Mbappe. Francezi tanimë paguhet 94 milionë euro neto në sezon, përfshirë dhe këstin tre vjeçar prej 60 milionë eurosh të shpërblimit në momentin e firmës. Një “gur” që peshon në “zërin” e pagave, ku përfshihen edhe 30 milionë euro në vit që paguhen për Neymar dhe 40 për Messin. Shumë për kontrollorët e fair play-t financiar të Uefas. PSG sipas L’Equipe duhet të reduktojë me 30%  shumën aktuale të pagave verën e ardhshme.

Është pikërisht kjo çështje që e bën operacionin kompleks. Messi tani mund të krenohet edhe me titullin e kampionit të Botës, të fituar pikërisht në shtëpinë e emirit, në Katar. Edhe pse në moshën 36-vjeçare, argjentinasi që i duhet të menaxhojë finalen e karrierës, është e vështirë që të ulë shumë pretendimet financiare. Por dialogu është i hapur, me disponueshmërinë e të dyja palëve për të gjetur një pikë takimi, siç është lënë të kuptohet nga të dy kampet, me drejtorin sportiv Campos që deklaroi në televizion.

Lexo edhe :  Dorëhiqet Maurizio Sarri, Lazio zyrtarizon pasuesin e tij në pankinë

“Po flasim, do të më pëlqente që Messi të vazhdonte me ne, në projektin tonë. Objektivi është që ta mbajmë”. Për t’ja dalë PSG duhet të reduktojë organikën duke hequr ndonjë element të tepërt. Në veçanti duhet të heqë qafe pagat e portierit Navas, që merr 12 milionë bruto në sezon, dhe që sapo e kanë parkuar te Nottingham Forest, dhe i Icardit, që është rikthyer protagonist me Galatasaray, por që paguhet 10 milionë euro në sezon nga PSG.

Të fundit

Shkurt dhe qartë, këngëtari i njohur konfirmon pjesëmarrjen te “Ferma Vip”

Moderatori Robert Berisha ka zbuluar ekskluzivisht për një emision televiziv se do të jetë pjesë e reality show-t më...

Ktheu në Apel çështjen e vulës së PD-së, Gjykata e Lartë zbardh vendimin e plotë

Gjykata e Lartë ka zbardhur të plotë vendimin për të rikthyer për rishqyrtim në Gjykatën e Apelit çështjen për vulën dhe logon e PD. VENDIMI I PLOTË Pasi...

“A jam hot Heidi?”, Egla lëvizje sensuale nën ritmet e muzikës ndërsa lahet në vaskë

Egla ka shijuar disa momente vetëm në shtëpinë e Big Brother VIP, duke u larë në vaskë. Nën ritmet e muzikës, ajo ka nisur të...

E frikshme/ Shpërthen vullkani në këtë vend, shpallet gjendja e jashtëzakonshme

Një tjetër shpërthim i fuqishëm vullkanik në gadishullin Reykjavik ka bërë që të shpallet gjendja e jashtëzakonshme në Islandën Jugore. Shpërthimi sipas autoriteteve lokale është...

A e dini se iPhone ka një “buton sekret”?

Ka një sërë veçorish inteligjente të integruara në softuerin iOS të Apple, por shumë njerëz nuk e dinë se ka një tjetër “buton sekret”...

Lajme të tjera

Web TV