Manchester City e mbylli raundin e 23-të të Premier League me fitoren 3-1 ndaj Aston Villa dhe u rikthye në vendin e dytë të renditjes.
Ekipi i Guardiolës dominoi gjithë sfidën, ndërsa në minutën e 4’ mori avantazhin me Rodri.
Në minutën e 39’ Gundogan dyfishoi avantazhin, ndërsa në minutën e 45+1’ Mahrez realizoi nga pika e bardhë e penalltisë.
Aston Villa tentoi të reagonte në pjesën e dytë, me Watkins që shënoi në minutën e 61’.
Pas këtij takimi City ngjitet në vend të dytë me 48 pikë, 3 më pak se Arsenali kryesues, por me “The Gunners” që numërojnë një ndeshje më pak, ndërsa Aston Villa qëndron në vend të 11-të me 28 pikë.
